🥰你快樂所以我快樂系列🥰
話說自從6月15號K3復課開始，我就一路過住忙過蜜蜂🐝一抽二送返學+接放學嘅日子，同時令我深深體會到冇咗工人都好少事，原來冇咗校車先係最大鑊🤪一來一回都真係幾嘥時間，加上大熱天時熱到一身汗，倒不如同包包仔喺學校附近商場等到哥哥仔放學再一齊搭的士返屋企仲好！
今日包包仔突然停咗喺到同我講：「媽媽我好想喺度學畫畫🤩」，原來係 Little Prince ART 小王子藝術，細心一望又發現佢哋啲學生既作品真係幾靚，俾人一種好開心嘅感覺，再諗吓仲有成個月要過住午間流浪式嘅生活，倒不如真係搵啲佢鍾意嘅興趣俾佢學下！畫室老師見包包仔唔肯走，好溫柔咁走出嚟同佢傾偈，了解完課程之後我決定即刻俾佢試咗一堂，睇吓佢係咪真係鍾意畫畫，而我都「順便」可以有一個鐘喘息嘅空間！🥳
開心嘅時間過得特別快，一個鐘後接返佢時老師大讚佢好專心同聽教聽話，佢既第一幅畫作都令我好有驚喜，估唔到佢畫畫都幾靚喎！😍連佢自己都好滿意，仲周圍拎俾人欣賞，最巧合係原來有幾個同學仔都係喺小王子藝術學畫畫🤩返到屋企包包仲同我講上堂好開心、好鍾意老師、話要再嚟學畫畫！😜
好啦！最緊要包包仔開心🥳嚟緊嘅七月繼續分享佢嘅畫作先！
#包包仔畫畫班初體驗 #可愛嘅小熊貓 #小王子藝術 #暑期班第一擊
Search